Stu mari....

Talìu stu mari…
Virdi, quasi smiraldu,
ca rina fina
simili a tappitu lisciu.
Casi bianchi
p’alluntanari
u suli
sunnu straminati
circannu d’arristari
tali e quali.
Talìu stu mari…
Manna strani ciauri,
avennu a llatu
arvuli di parmi
ca si fannu sentiri
quannu u ventu
passa a salutari.
E dintra pensu
ch’è uguali
a chiddu miu,
chi stissi ciauri,
coluri e sapuri
A stissa acqua,
u stissu motu,
a stissa ggenti
di cca e di dda.

Giuseppe Romano

24/03/2006

Hotel Sprin Club

Isola di Djerba (Tunisia)