domenica 10 febbraio 2013

Cavaddu ri razza

Comu un cavaddu ri razza,
ogni tantu,
quannu mi pari
ca ti pozzu carizzari,
mi runi un cauciu
e mi sdirrubbi 'nterra,
facennumi tastari
pruvulazzu.

Allura mi ddumannu
picchì mi tratti
comu un cannavazzu,
lassannumi calari
u munnu i supra,
nun capennu ca si
tuttu lu munnu
d'un poveru cristu
chi pinia.

Dumani tuppuliu
p'addumannariti
si pensi ancora a mia,
o si m'accuntintari
ri cauci, limuna
e pruvulazzu.
                                                           
Giuseppe Romano
10/02/2013




                            

1 commento:

Gabe ha detto...

la musicalità del dialetto è incomparabile,complimenti

Related Posts Plugin for WordPress, Blogger...