Urtimu viaggiu

S’inni vannu,

ca sula campana

c’accumpagna,

senza li lacrimi

di figghi e di parenti.

‘U Signuri,

ca, propria di sti’ tempi,

mori e poi arrivisci,

talia di luntanu

sta mattanza e pria

a so’ Patri

di fari quarchi cosa

pi stu’ munnu.

‘Ntantu i casci i morti

si inchinu di corpi

senza ciatu.

E mi ddumannu

camu fattu

pi miritari

chistu focurannu

ca ‘nni teni sirrati

‘nta sti quattru mura,

orbi d’amuri e di strinciuti.

Ddumanni senza aviri

‘na risposta, nummari sulu

pi inchiri quaderni

di nomi, cugnomi,

dati i morti

E ‘na telefonata

pi ‘nfurmari

ca ddu cristianu

‘nni lassò pi farisi

l’urtimu viaggiu.

           Giuseppe Romano

10/04/2020

Continua la pandemia che ha colpito il mondo

intero, uccidendo ancora in tutti i continenti.